上個月連場大雨,
pok 姐又鍾意隨處亂走,
一個唔小心就喺lift度跣低,
小朋友跌低唔識避重就輕,
結果手踭落地,
跌親嗰吓pok姐話唔係好痛,
本來麻麻以為冇乜嘢,
點知夜晚食完飯就變得好痛,
仲遞唔起隻手,
我哋先知出事!
(一般撞親吓唔會影響手部正常動作!)
去急症室一照,
甩慣較o既pok爸好自然問醫生:「有冇甩較呀?」
醫生: 「冇..........」
呼........
醫生續說:「不過斷咗!」
吓???????????
於是就展開咗3日2夜醫院親子camp!
你懂的!
住政府醫院同坐監冇乜分別~~
好彩最後都係住咗兩晚!
醫生宣布打石膏6星期,
6月中先至拆得!
學可以照番!
我哋原本諗,
驚pok姐同其他同學有碰撞,
想請兩星期假,
等佢喺屋企休息吓,
同埋等啲骨生定啲先!
點知有人斷咗隻手仲未識死,
喺屋企繼續擒高擒低,
仲同da da打交!
(斷咗手都打到交! 問你怕未?!)
搞到麻麻極頭痛!
最後只係請咗一個星期假,
就急急送呢隻馬騮番學!!
好多auntie uncle都話......
痛屎佢囉......
但係......
可以同da da打交喎?!
我估.......
應該唔係好痛!
我哋平時好少見其他小朋友斷骨,
不過pok姐打住石膏,
就發現 we're not alone!
經常有街坊行過都話....
斷咗骨呀?
我個孫早排又係呀......
我就發現,
原來小朋友斷骨實在好普遍~~
不過醫生話咁細個斷骨,
仲要幾近骨骼發育o既位置,
所以有機會影響生長,
我初頭都好擔心,
不過都冇計啦!
成長必經階段,
媽媽思想上都需要成長!
冇得擔心咁多!
留言
發佈留言