氣管敏感已經成為POK媽o既長期抗爭對象,
pok da 兩個氣管敏感經常輪住發作!
氣管敏感有好多原因,
最近最直接o既原因一定係開冷氣!
連pok爸同pok媽都「領」嘢!
屋企兩隻大汗鬼絕對不能不開冷氣,
最近pok姐半夜咳得尤其厲害,
藥已經食咗,
仲止唔到咳, 咁點算呢?
之前朋友介紹用Vick's o既VapoRub,
pok & da 半夜勁咳, 咳到瞓唔著、有時仲咳到嘔!
我就會幫佢搽下氣管、心口同背脊,
隔一陣果然冇再 COMBO 咳,
舒緩好多!
即刻全屋人有覺好瞓!
實在感恩!
搽VapoRub當然只係治標唔治本,
都係要睇醫生,
不過即刻止咳又的確幾有效!
VapoRub 是甚麼?
由Global P & G 代理o既 Vick's 出品,
係類似「萬秀雷敦」o既薄荷膏,
不過點解「萬秀雷敦」對 pok & da 效用不大?
睇過成份,
見佢除咗薄荷之外,
仲有其他香薰成份,
可能有舒緩緊張氣管o既功效。
所以可以止咳止得咁快!
另外VapoRub仲有其他功能如舒緩肌肉痛症。
同埋亦都可以將兩茶匙VapoRub放喺熱水度攪勻,
然後浸濕毛巾, 放喺額頭/氣管,
呼吸熱水帶出蒞o既蒸氣,
就可以舒緩傷風感冒帶來o既不適,
陣薄荷味非常濃郁,
通鼻塞應該唔錯!
之前喺香港屈臣氏仲有得賣,
冇記錯只係大概$40左右,
但原來舊年已經discontiued,
買唔到勁心急!!
後尾上網搵,
要去到新加坡/美國先有得賣!
好彩最近啱啱有朋友去新加坡幫我掃貨,
去類似「萬寧」o既personal care store就可以買到!
不過各位家長記住用所有同藥有關o既產品都要小心!
VapoRub 唔係萬能,
同埋未必適合所有人,
外國就試過有人對入面一啲成份敏感,
功效亦都因人而異。
所以pok媽最初都係用好少份量試一試,
冇乜事先至敢加份量。
使用之前最好先諮詢醫生意見!
Please like us on Facebook!
留言
發佈留言