近排兩大困擾...

pok 媽最近生活和思絮都好混亂,

太多衝擊,

讓我心情一時未能平伏,

趁有mood,

update下近況~

最近最困擾我的, 就係幫pok姐選/考小學,

條路唔係太順利,

我同pok爸心儀o既學校唔多,

亦都唔係好認同傳統名校嗰套,

所以冇漁翁撒網,

好重點揀咗幾間,

不過幾次interview表現都一般,

考o既小朋友太多,

有兩間宣布失敗,

好沮喪好想放棄之際,

玩過呢個遊戲o既媽咪朋友,

都話要戰鬥到出年6-7月,

我聽到呢句我直情想die~~

仲緊張過自己考A-level!!

(怒哮mode!!)

點解要設計一個咁o既遊戲玩我哋? 

點解我哋啲小朋友要畀人咁揀法?

點樣憑十幾分鐘都唔夠o既面試時間去判斷小朋友?

 諗起都有啲心痛!

 好彩K3開學之後pok姐都算乖,

功課都跟到!~同埋都算幾聽話~~

不過禮儀同與人溝通技巧尚待改善~~

身材繼續圓潤~~

豬髀依然粗壯, 肚腩依然肉騰騰.....

不過由於有人學緊ballet,

睇見其他瘦瘦的小女孩身手靈活,

而某人又論論盡盡,

不禁有少許擔心! 

哈哈~~~

另一件困擾的事.....

就係要搬屋同換姐姐......

話說 pok & da 一向日頭都係奶奶湊開,

姐姐喺奶奶度住,

飲食方面唔使講,

一睇就知冇問題,

但係始終pok姐慢慢大,

生活習慣、待人處事、自理能力、身心發展、學業等等,

好多嘢都係自己教養會比較好!!

而 da da 之前一向都係一星期才回家兩三次,

又隨住 da da 豬慢慢大,

同樣有自理能力、待人處事、身心發展等問題......

(其實 da da 豬仲未戒到片) 

-______-"

da da 的同學中只有他........

又.......

姐姐 & 老人家兩個 apps 撞得好緊要,

輕則彈app, 重則hang機,

所以今次真係要決心搬番姐姐喺自己屋企,

自己的豬自己湊......

而現時的姐姐又要回鄉了!

所以到時又要多啲喺屋企慢慢訓練新姐姐.......

呢個對於pok爸 & 媽蒞講係一個好大o既轉變,

希望搞得掂啦~~

跟據以往經驗.....

我都係要周圍亂呻一輪,

再消化一輪,

自自然然又會適應到..........

祝我好運啦!!