就蒞聖誕節,
諗節目都好頭痛!
好多商場都有卡通人物主題,
但係pok爸唔係幾鍾意行商場,
所以我哋通常出街都係戶外活動多~~
上次獲邀去到挪亞方舟試玩,
今個聖誕挪亞方舟CROSSOVER咗Mr. Men Little Miss
有幾個玩區係必玩o架!
記得唔好錯過!
必玩區一 : Mr. Men Little Miss 馳騁冬日城
適合3歲以上 / 體重50kg以下的小朋友
小朋友唔只玩車咁簡單,
過程中有交通指導員教導小朋友做個好o既道路使用者!
小朋友可以從中都學到唔少交通規則o架~~
好玩!!
圖中o既係細車,
腳長o既小朋友坐得比較辛苦~
留意番, 好似pok姐咁大o既 P1生 (或者生得高大o既k3生),
已經可以用大架啲o既車↓ ↓ ↓
必玩區二 : 日夜反斗大冒險
有主題的室內障礙賽~~
喺光暗兩個環境捐窿捐罅玩尋寶,
佈景好認真, 值得一讚!!
小朋友可以從中學到聽從指令完成一啲tasks~~
兩隻馬騮都玩得好投入呀!
每位參加o既小朋友都要著住Mr. bump costume,
一啲都唔馬虎o架!
呢位係麻煩之友DA DA!!
硬頸仔成日唔肯著costume,
畀pok媽罰停賽一次~~
死都唔肯著, 冇晒符!!
必玩區三 : 動感劍術樂
今次挪亞方舟邀請咗專業劍擊教練
香港亞運代表隊成員阮浩然教練
親自教授劍擊!
過程唔會太長,
教用把劍玩啲比較基本o既競技遊戲,
志在畀佢哋郁動吓~~
其實冇對劍環節,
家長可以放心喇!!
兩個著起套劍擊衫10個型呀~~
有啲衝動為咗套型衫同佢哋報名學劍擊~~
hehe~~
必玩區四 : 笑瞇瞇廚藝學堂
費用$50 (每組)
包括一份製作材料及一套小廚師圍裙+帽,
幾抵玩o架!
11歲以下小朋友要由成人親友陪同
廚師帽好正!
cooking class包埋o架喇~~!
整咩呢?
就係充滿聖誕氣氛o既cupcake!
有埋mr. men little miss o既裝飾的說!
親子cooking class永遠都咁受歡迎,
呢款cupcake仲要一啲都唔難整!
必玩推介呀!!
必玩區五 : 泡泡魔幻派對
魔術 + 巨型泡泡,
細路仔會好興奮, 大人會忍唔住咁影相,
呢個節目唔多講喇~~
自己親身入場體驗吓啦!!
SUPER HAPPY!!
多謝挪亞方舟同PR姐姐的安排!!
度過咗好開心o既一天~~
「挪亞方舟 X Mr Men Little Miss童樂聖誕城」
有用資料
活動日期：2015年12月5日至2016年1月3日 (逢星期六、日及公眾假期)
開放時間: 上午10時至下午6時
地址: 香港新界馬灣珀欣路33號
查詢電話: 3411 8888
入場費: 成人$168; 小童及長者$138
交通: 可以去呢個網址, 有各種交通設施可以到達
POK媽好耐冇喺BLOG度同大家見面喇~~
POK姐升咗小一之後,
每日都同功課、練習樂器、早啲瞓覺同埋玩呢幾樣嘢角力~~
而我又要喺工作、陪女做功課、陪仔玩呢幾樣嘢之間取得平衡,
其實一啲都唔容易~~
甚至搞到自己好鬼攰!
好幸運! 我真係好幸運~~
pok爸就算工作忙碌,
仍然會抽時間幫手睇pok姐功課!
有時甚至全部搞掂晒!~~
平凡的小確幸加加埋埋,
就係幸福的每一步~~
有冇發現呢幅係一張全家褔~~
影到晒pok家4個o架!!
多謝收看~~
留言
發佈留言